రెవెన్యూ ఉద్యోగుల హక్కుల పోరులో ‘ట్రబుల్ షూటర్’ ఉద్యోగ సంఘాల జాయింట్ యాక్షన్ కమిటీ చైర్మన్
టీజీఆర్ఎస్ఏ 10 చరిత్రాత్మక తీర్మానాలు తెలంగాణ పాలనా యంత్రాంగానికి వెన్నెముక వంటి రెవెన్యూ శాఖ సమస్యల పరిష్కారానికి మరో కీలక ముందడుగు పడింది. హైదరాబాద్లోని రెవెన్యూ భవన్‌లో టీజీఆర్ఎస్ఏ (TGRSA) రాష్ట్ర అధ్యక్షుడు బాణాల రాంరెడ్డి అధ్యక్షతన నిర్వహించిన రాష్ట్ర కార్యవర్గ సమావేశం రెవెన్యూ ఉద్యోగుల దీర్ఘకాలిక సమస్యలపై సమర శంఖం పూరించింది. హైదరాబాద్లోని రెవెన్యూ భవన్ లో జరిగిన సమావేశానికి అసోసియేషన్ గౌరవ అధ్యక్షులు లచ్చిరెడ్డి గారు, తెలంగాణ తహసీల్దార్ అసోసియేషన్ రాష్ట్ర ప్రధాన కార్యదర్శి రమేష్ పాక గారు, ప్రధాన కార్యదర్శి బిక్షం గారు, కోశాధికారి మల్లేష్ గారు, CCLA యూనిట్ అధ్యక్షులు రాంబాబు గారు, కార్యదర్శి చైతన్య గారు, అసోసియేట్ అధ్యక్షులు సుధాకర్ రావు, చంద్ర శేఖర్ మోర గారు, రాష్ట్ర ఉపాధ్యక్షులు, కార్యదర్శులు,ఆర్గనైసింగ్ సెక్రెటరీస్, వివిధ జిల్లాల అధ్యక్షకార్యదర్శులు పాల్గొన్నారు. సమావేశంలో అందరి దృష్టిని ఆకర్షించింది అసోసియేషన్ గౌరవ అధ్యక్షుడు, తెలంగాణ రాష్ట్ర ఉద్యోగుల ఆపద్బాంధవుడిగా పేరొందిన "ట్రబుల్ షూటర్" లచ్చిరెడ్డి. ఉద్యోగుల సంక్షేమంలో ‘ట్రబుల్ షూటర్’ లచ్చిరెడ్...
